Ndjeshm\u00ebria p\u00ebr vlerat e trash\u00ebgimis\u00eb s\u00eb paluajtshme nd\u00ebrtimore n\u00eb hap\u00ebsirat europiane dhe m\u00eb gjer\u00eb, \u00ebsht\u00eb dukuri e shfaqur rreth fillimit t\u00eb shek. XIX. Kryesisht at\u00eb e ndeshim n\u00eb Franc\u00eb, Angli dhe Itali. Ecuria e kristalizimit t\u00eb parimeve t\u00eb vler\u00ebsimit t\u00eb k\u00ebsaj pasurie unikale, n\u00eb rrafsh mbar\u00ebbot\u00ebror, pati ecuri rreth 150 vje\u00e7are. Kryesisht pas Luft\u00ebs s\u00eb Dyt\u00eb Bot\u00ebrore, n\u00eb hap\u00ebsirat per\u00ebndimore europiane shkall\u00ebrisht, por krahasimisht shpejt, u form\u00ebsuan parimet e vler\u00ebsimit t\u00eb monumenteve, pra edhe t\u00eb Qendrave historike, Dokumenti i par\u00eb nd\u00ebrkomb\u00ebtar, i cili trajton thuajse mbar\u00eb problematik\u00ebn e monumenteve n\u00eb kuptimin e gjer\u00eb t\u00eb termit \u00ebsht\u00eb karta e Athin\u00ebs e vitit 1931. \u00cbsht\u00eb rasti p\u00ebr t\u00eb theksuar se arritja, krahasimisht shpejt, e mend\u00ebsis\u00eb s\u00eb trajtimit t\u00eb nj\u00ebsuar t\u00eb kritereve t\u00eb vler\u00ebsimit t\u00eb trash\u00ebgimis\u00eb s\u00eb kultur\u00ebs nd\u00ebrtimore, \u00ebsht\u00eb pasqyrimi i drejtp\u00ebrdrejt\u00eb i s\u00eb v\u00ebrtet\u00ebs mbi nj\u00ebsin\u00eb e treguesve thelb\u00ebsor\u00eb t\u00eb k\u00ebsaj trash\u00ebgimie.
\nP\u00ebr pasoj\u00eb, mes t\u00eb tjerash, mund t\u00eb pohohet q\u00eb n\u00eb krye, se dallimet etniko-rajonale, gjith\u00eb duke qen\u00eb t\u00eb pranishme, jan\u00eb dyt\u00ebsore, n\u00eb p\u00ebrqasje me nj\u00ebsin\u00eb e k\u00ebtyre krijimeve, e cila \u00ebsht\u00eb par\u00ebsore. Nd\u00ebr aktet metodiko-normative m\u00eb t\u00eb r\u00ebnd\u00ebsishme t\u00eb p\u00ebrpjekjeve t\u00eb arritura p\u00ebr kodifikim t\u00eb kritereve vler\u00ebsues t\u00eb monumenteve, p\u00ebrmendim: \u201cKarta Nd\u00ebrkomb\u00ebtare e Konservimit dhe Restaurimit t\u00eb Monumenteve dhe Siteve\u201d e vitit 1964, e cila tashm\u00eb em\u00ebrtohet Karta e Venecias, si dhe \u201cDokumenti i Naras mbi Autenticitetin\u201d,, i vitit 1995. Krahas, nj\u00eb
\ns\u00ebr\u00eb udh\u00ebzimesh, rekomandimesh dhe konventash, synojn\u00eb t\u00eb nj\u00ebsojn\u00eb vler\u00ebsimin e monumenteve, si d\u00ebshmi t\u00eb paz\u00ebvend\u00ebsueshme historiko-kulturore n\u00eb hap\u00ebsir\u00eb dhe koh\u00eb.<\/p>\n