Publikimi i dokumentit ”Hapësira Historike Urbane – Korniza e funksionalizimit për Çarshinë e Madhe në Gjakovë” shënon përmbylljen e një procesi gjithpërfshirës i cili ka filluar në fillim të vitit 2015. Ky dokument që është rezultat i bashkëpunimit ndërmjet ekipit të CHwBsë, zyrtarëve komunal, përfaqësuesve të institucioneve qeveritare dhe komunitetit të Çarshisë së Madhe, e përmbledhë hulumtimin dhe analizën e kryer për funksionalizimin e Çarshisë dhe ofron një sërë rekomandimesh për ringjalljen e saj.